Yo‘lyozma

3 June 2025

8-кун

Козондан Москвага.

Кеча роса чарчаганмиз шекилли, уйку зур булди, тошдек котиб ухладик.

Поезд кетишига хали икки соат бор, шу сабабли вокзалга Козон метроси оркали кетадиган булдик. Бизга керакли Вокзал Шимолий Вокзал бекатида экан, осонгина етиб олдик. Вокзалга деярли метродан чикмасдан утиб кетса булар экан.

Поезд кетишига хали бир соатча бор, вактдан унумли фойдаланиб, кутиш залида бироз ишлаб олишга карор килдим.

Хаш-паш дегунча бир соат хам утиб, поездга чикиб олдик. Поезддаги кушниларимдан бири козонлик киз булди. У тугри овкатланишга харакат килишни айтди. Спорт билан шугулланмаетганинг сабабини хозир унинг хаети бироз танг ахволдалиги билан ифодалади. Хозир эса Москва вилоятидаги бир танишинг олдига кетаетганини айтиб утди. Узбекистонда хеч булмаган экан. Тошкентга якин жойда кул борми деган саволига, Чорвок бор жавоб бердим. Агар Узбекистонга бормокчи булсанг, сентябрларни мулжалла, ушанда унчалик иссик булмайди дедим. Об-хавосини сураганида, иссик ва курук, хозир чанглар хам купайганини айтдим. У Ереванда булган экан, у ерда хам шунака, чанг ва иссик деди.

Бу орада шеригим Фаррух пишиллаб ухлаб етар, ора-сирада эса хуррак хам тортиб куйишга улгурарди.

Бироздан кейин ман хам ухлашга карор килдим. Чамаси бир соатларча кузим илинди шекилли. Кузимни очсам, Фаррух, — зерикиб кетдим ва корним хам очди деди. Секин урнимдан туриб, пастга тушиб, гаплашиб утирдик ва овкатланиш учун вагон-ресторанга йул олдик. Кеча йулга олинган нарсалар сал камлик килди.

Биз 15-вагонда булсак, вагон-ресторан 9-вагонда эди. Орадаги туртта вагоннинг узида турфа хил олам. Хаммасининг узига хос хиди бор эди. Еши катталар хам бор, ешлар хам, манимча ешлар купрок. Орасида 3-4 та узбек еки тожиклар хам кузимга курингандай булди.

Вагон-ресторанда одам унчалик куп эмас, тахминан 3-4 киши утирибди. Бир «творческий» йигит ва МХО катнашчиси утирибди. «Творческий» йигит билан официантка нимадурларни нисбатан баланд овозда бахслашар, МХО катнашчиси эса телефонида нимадурларни караб, кейин ора-сирада ойнадан узокларга куз тикиб коларди.

Менюдан караб, товукли бифштексни, ичиш учун минерал сув олдик. Поезд тухтатиб тургани учун овкат тайерланиши чузилиб, 40 минутларга етиб борди. 1300 рубль булди бизнинг буюртмамиз.

Вагон-ресторанга яна бошка мижозлар хам кела бошлашди, улар орасида учта йигит, уларнинг бири МХО катнашчиси шекилли, харбий кийимда юрибди, у вагонда утирган бошка МХО катнашчисини куриб, дустларига сизлар бораверинглар деб имо-ишора килиб, узи харбийинг олдига утириб, каерда хизмат килганини, хозир нималар булаетганини бироз гаплашишди ва бошка столда утирган дустларинг олдига кетди.

Биз овкатни аллакачон еб булдик, олдимиздаги ижодкор боланинг овкати хали хам келмаган эди, у официантга нимадурлар деб чирсилларди, официант хам унга нимадур деб чирсиллаб жавоб кайтарарди.

Секин-аста яна узимизни вагонга кайтдик. Орада 2 станицияда поезд тухтаган ва буш жойлар бошка одамлар билан тулган, Козонда чиккан кушниларимиз урнига хам бошка одамлар билан алмашганди.

Биз чиккан поезднинг тамбури йук экан, шунга биз хожатхонага якинрок жойда туриб гаплашдик, кейин бошка вагоннинг шунака жойида. Орада поезд текширувчиси кайсидур йуловчи билан муаммони хал килиб, бизнинг олдимиздан ута туриб, - ха, хамма жойда навбатми? — деди, биз эса — шунчаки турибмиз гаплашиб — деб жавоб бердик, у эса уз иши билан кетди.

РЖД поездадаги проводниклар маъсулият билан ишлашар экан. Кизилурда-Урол поездида бу нарсани курмаган эдим. Балким шунакасига дуч келгандурман.

Хожатхонага якин жойда гаплашиб туриш жонга тегди ва ман дам олгани уз жойимга кетдим. Москвагача тахминан икки соат колди. Вакт тезда утди. Ярим соат колганда проводник, Москвага ярим соат колди, тайерланаверинглар деб утиб кетди. У бу нарсани айтгунича, поезд хозир тухтаса, хозир тушишга тайер йуловчилар хам талайгина эди. Ман хар доимгидек, шошмасдан нарсаларимни йигиштирдим, кучада кийиб юрадиган футболка ва шимимни кайта кийишга эриндим ва уйда кийиб юрадиган чузилган футболкам ва шортигимда колишга карор килдим.

03.06.2025 09:42:56 UTC+05:00

Поезд ва нихоят Москвага белгиланган вакт, 22 ларда етиб келди, хамма шош-пиша эшик томонга урди, биз Фаррух билан шошмасдан кутиб турдик ва охирги булиб вагондан чикдик. Эшик олдида Тимур исмли проводник бизга ок йул тилади.

Биринчи бор Москвага чузилган футболка ва шортик билан ташриф буюрдим :) Хавоси бироз салкин, лекин екимли эди.

Поезддан тушиб, узимизни ростлаб олгандан кейин, Телеграмни очиб, танишим Сашага ездим ва у перрондамисизлар деб жавоб берди, энди жавоб бераман деб турсам, узи олдимизда пайдо булди. Куюк салом-аликдан кейин, метрога ухшаган электричкага ухшаган нарсада унинг етогига кетишга карор килдик. Вокзалдан чикиб, электричка бекатига юрдик, бекатига киришда телефонининг НФСиси оркали уч кишига туламокчи эди, факат ьир кишига тулаш мумкинлиги метрода турган контроллер, биз учун билет олиши кераклилигини айтди.

Керакди бекатдан чикиб, чемоданларни гилдиртиб Сашанинг уйи томонга караб йул олдик ва йул-йулакай узимизнинг коракузларга хам кузим тушиб турди.

Саша йулда бизнинг келишимизни нишонлаш учун мандарин, сув-пув, ман учун йогурт ва бошка майда чуйдалар олди.

Унинг уйи, бекатдан 500-600 метр узокликда эди ва биз бу масофани тезда босиб утдик.

Нарсаларни жойлаштириб, ювиниб олгандан кейин, йулда олинган нарсалар билан столини безатди. Кейин ичадиган нарсаларингни ва телефонларингни олиб оркамдан юрларинг деди ва биз унинг айтганини килдик. У хонасидан чикиб, коридорлар оркали балконга олиб чикди у ердан Москвага шахрининг бир кичик кисмига ажойиб «вид» очилар экан, тугримизда Останкино телеминораси кад ростлаб турар эди. Ман йогуртимни ичиб, телефон оркали расмга олишни бошладим.

Тахминан икки соатча балконда турдик ва бу орада канчадан-канча мавзуларни гаплашдик :) Йул чарчоги узини эслатиб турди, бунинг устига соат хам алламахал, кечаси 2 лардан ошган эди.

Ухлашдан олдин стендап курамиз деди, манга бу жанр унчалик кизик эмас, Фаррух эса курсак булади деди. Саша Ютуб оркали канакадур стендапни топди. Фаррух енбошлаб куришни бошлади ва орадан беш дакика утар-утмас ухлаб колди.

31 май 2025 йил, Москва шахри, Россия

03.06.2025 09:42:56 UTC+05:00

03.06.2025 13:34:35 UTC+05:00

Кейинги бекат Минск 😊

03.06.2025 20:26:49 UTC+05:00

4 June 2025 →