13-кун.
Питердан Минскка.
Роса ширин уйкуда ухлаб етган эканман, Россиядан Беларусга утаетганда чегарачиларнинг - Кайси давлат фукаросисиз? - деган саволидан уйгониб кетдим. 1-2 секунд карахт булиб, каердаман, кимлар булар, нима киляпман деган саволларга жавоб излашни бошладим. Кейин, сайехат килиб юрганим эсимга тушди, тепа токчада турган рюкзакдан паспортимни олиб, 2 та чегарачилардан бирига узатдим. Бири формада эди, иккинчи формасиз. Паспортимни олган чегарачи, паспортнинг асосий кисмини телефонига расмга олиб кайтариб бера туриб, ок йул тилади. Бизни уйготишдан олдин бизнинг пастимизда етган эр-хотин беларусь фукароларини уйготган экан, бу нарсани эрталаб билдим.
Чегарачилар соат тахминан 02:00 ларда уйготишган булишса, хозир соат 02:23, поезд 07:45 да Минскка етиб боради. Ухлаб олишим учун 4-5 соат бор эди, лекин бир нечча марта уйгониб кетганлигим сабабли уйку сал халтарок булди.
Минскка белгиланган вактда етиб келдик. Поезддаги кушнимиз билан куюк хайрлашиб, вокзалда Россия рублларини, Беларус рублларига алмаштирдик. Вокзалдан чикиш олдин, чемодан ва рюкзакларимизни "камера хранения" да колдирдик. У ерда аскарча характерга эга бир киши ишлар экан.
Биринчи булиб, Минск дарвозаси деб номланган бинодан бошладик, сабаби шундоккина вокзалнинг бикинида экан. У ерда чикиб, секин-аста чикиб, марказ тарафга караб юришни бошладик. Эътиборимни биринчи тортган нарсаларлан бири бу - Минскда, Самара, Козон, Москва ва Санкт-Петербургларга нисбатан одамларнинг камлиги. Йул-йулакай Тошкентда хам бор "Марк Формел" дуконига кирдик, у ердаги сотувчи аел, Узбекистонда чиккан махсулотлар хам уларда булишини айтиб утди. Дукондан чикиб марказ тарафга юришни давом эттидик. Йулда "Васильки" кафесини куриб колдик, бу жойни поезддаги танишимиз Михаил ва Ольга маслахат беришганди, корин сал очрок булганлиги учун Фаррух билан киришга карор килдик. Киришимдан асосий максадлар бири, Беларус ошхонасининг таъмини билиш ва драникисини еб куриш эди.
ЧатЖПТ, Михаил ва Ольга айтган манзилларни бирин-кетин кура бошладик. ГУМ дукони, ешлигимдаги Тошкентнинг ЦУМ дуконини эслатиб юборди, айникса хиди :) Беларус косметикасининг куплигини куриб, хайратда колдим. Кейин иккинчи каватга чикдик, у ерда хам жуда Беларусда тикилган кийим-кечаклар ва бошка махсулотлар бор эди. Учинчи каватда эса асосан Хитойда ишлаб чикарилган маиший моллар билан тулалиги учун бизда унчалик кизиктириш уйготмади ва ГУМни тарк этдик. Навбатдаги "Траецкая" деган нисбатан кадимий бинолар бор жой булди, у ердан чикиб "Остров слезга" бордик, афгон урушида халок булган беларус углонларига аталган экан. Монументдаги мотамсаро аелларнинг юзидаги гам жуда яхши ифодаланган экан, ман хам, Фаррух там таъсирландик. Руйхатимиздаги манзиллар кайси кетма-кетликда куришни ЧатЖПТга топширдик ва манимча у уз ишини аъло даражада бажарди. "Немига", "Озодлик майдони", "Республика саройи", Минск Цирки, Янки Купала боги, Опера ва балет театри каби диккатга сазовор жойларни тез айланиб чикдик.
Биринчи галда куриш керак булган жойларни курган кейин, "Галерея Молл"га хам томоша, хам корин гамида йул олдик. Корин жуда очлиги туфайли йулда "Столовая" деб номланган кафега кирдик. Гуруч, картошка ва мол гуштидан котлет айтдим. Очигини айтсам хеч бири екмади. Бироз юриб, моллга етиб бордик, купчилик молларда бор брендларни курдим, нархлари узиминики билан бир хил. Баъзида кимматрок. Моллдан чикарверишда, "Гиппо" супермаркетига кириб, "Флеш", музкаймок ва сув билан кайтиб чикдик. Сал куч киргандан кейин Минск метросида айландик.
Шу орада Минскда колмасликка карор килдик ва билет сотиб олиш учун келган вокзалимизга бордик, поездимиз соат кечки 12 ларга якин кетар экан. Поездимиз кетишига куп вакт борлиги учун аввал миллий кутубхона биносини атрофини хам айландик, сунг "Первый" миллий махсулотлар сотадиган уч каватли савдо марказига бордик ва курук кул билан чикмадик.
Вокзалдамиз. Минскка булган ута киска сафаримиз уз нихоясига етди хисоб. Поездга билет сотган кизга хожатхонадан узокродан жой бергин деган эдик, у хожатхонанинг олдидан берди. Ман "яхши сузлар" билан уни эсладим.
10.06.2025 10:25:53 UTC+05:00
Бу сафар поезддаги кушнимиз Испанияда 20 йилдан бери яшаб келаетган москвалик аел булди. Бошида тиришаетган эди, тез орада тил топишиб олдик. Соат 00 ларга якин уйкуга кетдим.
5 июнь 2025 йил, Санкт-Петербург, Россия, Минск, Беларус.
10.06.2025 10:25:53 UTC+05:00
14-кун.
Москвадан Жанубга
Бу сафар чегарачи Беларусдан Россияга кираверишда, Смоленск вилоятида, эрталаб соат 4 ларда уйготди. Саволи уша-уша, - Кайси давлат фукаросисиз? Жавоб урнига паспорт. Текширувдан кейин уйкуни давом эттирдим. Бизнинг жой хожатхонага якин булишига карамай, кечаси эшик очилиб епилишини умуман эшитмадим.
Уйгонганимда соат 7 лардан ошган эди. Кушниларнинг хаммаси хуррак отиб етишибди :)
Калла «свежий»лигидан фойдаланиб, 1-2 та ишлар билан машгул булдим. Ха демай колганлар хам уйгонишди. Нонушта килиб олгандан кейин, чемонданларни тайерлашни бошладик, сабаби Москвага атига бир соат колган эди.
Поездимиз Москвадаги Беларус вокзалига уз вактида етиб келди, хамма шоша-пиша узини урди, биз эса шошмасдан, деярли охирги булиб чикдик. Биздан кейин кушнимиз чикди, ердам боласини чакирган экан, юки бир одам учун жуда куп эди, юкининг куплигилан иккита жойга тулаган экан.
Поезддан тушиб, кейинги кадамлар устида уйладик, хар-хил вариантларни куриб чикдик. Охири Владикавказгача поездда кетишга карор килдик. Лекин аввал коринни у бу нарса килиш керак эди. Москвадаги узбек ошхонаси «Ором»га еки оддий шаурмага боришни мулжаллаб турганимизда, йулимиздан шаурма чикиб колди. Маяковский метро бекатига якин экан, уша ерда тамадди килдик. Шаурмаси умуман екмади. Товук гуштини деярли сезмадим, асосий ургу карам ва соусга берилган эди.
Алданган корин билан билет олиш дардида вокзалга йул олдик. Йулда Сберга кириб, долларни рубль килиб олдик. Ишимиз бир жойда битгани яхши булди. Маяковский станциясидан метро утириб, Павлецкий метро бекатида жойлашган Павлецкий вокзалига етиб олдик. Билет олиш учун навбатдаги ракамимиз 435 эди, хозир хизмат курсатилаетган ракам 370-лар. 30-40 минутда навбатимиз келди, билетни олиб, поездга югурдик, сабаби у ярим соатдан кейин жунат кетарди.
Саша биз билан юрганда шортик кийинган эди, шамоллаб колди. Жунаб кетаетганимизни эшитиб, сал сасиб, — шунчалик шошиш шартми? эртага хам бемалол кетсанглар булади деди…
Иккита чемоданни судраб, ман поезд тарафга караб кетдим, Фаррух эса йулга майда-чуйда нарса олишга. Адлер-Москва-Адлер поезди жунаб кетишига 3-4 минут колганда у халлослаб зурга улгуриб югуриб келди.
Поезд 16:00 ларда Москвани тарк этди. Хозирча Ростов-на-Донугача билет олдик, сабаби Владикавказгача билет бугун ва эртага йук экан. Яна 600-700 километрни курамиз, нимада босиб утамиз, балким автобусда, балким поездда. Икки кундан бери поездда ухлаяпмиз, Ростовда нафасни мехмонхонада колиб, нафасни ростлаб олиш нияти хам каллада айланиб юрибди.
Вагонда Россиянинг жанубига кетаетган болалар жуда куп экан, роса шовкин-сурон. Проводницалар еш болаларга бошка вагона утма дейишса, нима сабабдан утмаслигини тушунтириб беришни талаб килар, баъзида тенгма-тенг талашар, еки хозир яна урушиб беради деган нарса, уларнинг калласида йук эди манимча.
Фаррух олган махсулотлари билан «ужин» килдик. Кейин икки соатча ишлаб, сунг уйкуга кетдим.
6-июнь 2025 йил, Воронеж вилояти, Россия.
10.06.2025 18:08:44 UTC+05:00